هاتولي رااجل (4)
في يوم من أيام طفولتي جلست أسمع حوار دار بين أمي وأختي الكبرى بخصوص إحدى قريباتي التي تطلقت من أيام، وكيف إستطاعت أن تحصل على الطلاق من رجل عذبها كثيرا، سبب الحوار الأصلي هو إنبهار أمي وأختي وقتها بطريقة حصولها على الطلاق برغم رفض الزوج لسنوات الأستجابة لطلبها !
قريبتي هذه كانت دائمة الشجار مع زوجها لطلب الطلاق ولكن برفضه الدائم أظهرت إنها نسيت الموضوع تماما وتوقفت عن الشجار معه وعاملته بالحسنى وأظهرت بشدة ضعفها أمامه وإحتياجها إليه ! .. وفي جلسة هادئة بينهم بكت ضعفا وقهرا طالبة منه أن يطلقها ليس لشيىء غير إنها تريد ولو مرة واحدة ان تشعر أن لها شخصية وكيان بعد ان عاشت عمرها كله تحت إمرته وخدمته ! على أن تعود إليه في أقرب فرصة "وعدته وأقسمت على ذلك" ... وأمام هذا الضعف والقهر والذل منها إليه
شعر هو بقوته وجبروته وطلقها !... وباقي القصة معروفة طبعا
لم تعود إليه أبدا ...
وتعلمت أول درس عن الستات : الست مش ضعيفة أبـــــــــداااا!
الست علشان ترضي الراجل عملت نفسها ضعيفة ومع مرور الوقت وكثرة إستعمالها للحيلة دى صدقت إنها ضعيفة
يعنى كذبت الكذبة وصدقتها ! وقالت لنفسها : ايه ده انا ضعيفة أنا حقي ضايع ..انا مقهورة ..أنا لازم آخد حقي !
فخرجت تطالب بحريتها وكيانها وإستقلالها !!! ..ياربي أيه الجنان ده ؟؟!
سبب الصراع الحقيقي بين الراجل والست هى أغنية الرائعة سعاد حسنى " البنت زى الولد ماهيش كمالة عدد"!
لأ .. الست مش زى الراجل ولا أحسن منه ولا حتى أقل منه
هى ببساطة مختلفة عنه .. ربنا خلق الست لحاجات معينة والراجل لحاجات تانية علشان نكمل بعض ونعمر الأرض.. مفيش داعي للصراع من الأصل !
لكن إزاى ؟!.. لازم شوية عقول خربانة تبوظ عقول تانية
قرات من أيام في إحدى الصفحات التى تناهض التحرش .. ان الولد بيتعمله عقيقة خروفين والبنت خروف واحد .. وشايفين ان ده نوع من أنواع التمييز بين الولد والبنت واننا مجتمع متخلف شايف الراجل أحسن !!!...بكرة يقولوا ليه الراجل يورث ضعف الست؟ ده تمييز !!!
التطرف ياسادة .. التطرف يعمل أكتر من كده وزى مافي تطرف ديني كل همه يخبي الست ويداريها لأنه عارف إنه عنده هوس بيها وإنها نقطة ضعفه ومش قادر يتعامل مع مشاعره ناحيتها برقي وتعقل فيضطر إلى قهرها والسيطرة عليها " وده دليل على ضعفه الشديد قدامها"
في تطرف تاني مضاد عنده إستعداد يضحي بتعاليم دين وأخلاق وإنسانية في سبيل حرية لن يحصل عليها !
ندّابين كرامة المرأة وحريتها واللى شايفين ان الست مقهورة ومكسورة .. ارحموا دماغنا بقى
الست مش ضعيفة .. تسلط الرجال وبطشهم للمرأة هو نتيجة طبيعية لإحساسهم بالضعف أمام المرأة !
حتى المتحرش .. يفعل مايفعله لكسر المرأة وذلها
صحيح بيكسرها.. بس لأنه ضعيف مش هى اللى ضعيفة !
على النساء جميعا التوقف عن محاربة ضعف ليس فيهن أصلا .. وإثبات قوة الكل يعلم إنها فيهن ولاتحتاج لإثبات !
قريبتي هذه كانت دائمة الشجار مع زوجها لطلب الطلاق ولكن برفضه الدائم أظهرت إنها نسيت الموضوع تماما وتوقفت عن الشجار معه وعاملته بالحسنى وأظهرت بشدة ضعفها أمامه وإحتياجها إليه ! .. وفي جلسة هادئة بينهم بكت ضعفا وقهرا طالبة منه أن يطلقها ليس لشيىء غير إنها تريد ولو مرة واحدة ان تشعر أن لها شخصية وكيان بعد ان عاشت عمرها كله تحت إمرته وخدمته ! على أن تعود إليه في أقرب فرصة "وعدته وأقسمت على ذلك" ... وأمام هذا الضعف والقهر والذل منها إليه
شعر هو بقوته وجبروته وطلقها !... وباقي القصة معروفة طبعا
لم تعود إليه أبدا ...
وتعلمت أول درس عن الستات : الست مش ضعيفة أبـــــــــداااا!
الست علشان ترضي الراجل عملت نفسها ضعيفة ومع مرور الوقت وكثرة إستعمالها للحيلة دى صدقت إنها ضعيفة
يعنى كذبت الكذبة وصدقتها ! وقالت لنفسها : ايه ده انا ضعيفة أنا حقي ضايع ..انا مقهورة ..أنا لازم آخد حقي !
فخرجت تطالب بحريتها وكيانها وإستقلالها !!! ..ياربي أيه الجنان ده ؟؟!
سبب الصراع الحقيقي بين الراجل والست هى أغنية الرائعة سعاد حسنى " البنت زى الولد ماهيش كمالة عدد"!
لأ .. الست مش زى الراجل ولا أحسن منه ولا حتى أقل منه
هى ببساطة مختلفة عنه .. ربنا خلق الست لحاجات معينة والراجل لحاجات تانية علشان نكمل بعض ونعمر الأرض.. مفيش داعي للصراع من الأصل !
لكن إزاى ؟!.. لازم شوية عقول خربانة تبوظ عقول تانية
قرات من أيام في إحدى الصفحات التى تناهض التحرش .. ان الولد بيتعمله عقيقة خروفين والبنت خروف واحد .. وشايفين ان ده نوع من أنواع التمييز بين الولد والبنت واننا مجتمع متخلف شايف الراجل أحسن !!!...بكرة يقولوا ليه الراجل يورث ضعف الست؟ ده تمييز !!!
التطرف ياسادة .. التطرف يعمل أكتر من كده وزى مافي تطرف ديني كل همه يخبي الست ويداريها لأنه عارف إنه عنده هوس بيها وإنها نقطة ضعفه ومش قادر يتعامل مع مشاعره ناحيتها برقي وتعقل فيضطر إلى قهرها والسيطرة عليها " وده دليل على ضعفه الشديد قدامها"
في تطرف تاني مضاد عنده إستعداد يضحي بتعاليم دين وأخلاق وإنسانية في سبيل حرية لن يحصل عليها !
ندّابين كرامة المرأة وحريتها واللى شايفين ان الست مقهورة ومكسورة .. ارحموا دماغنا بقى
الست مش ضعيفة .. تسلط الرجال وبطشهم للمرأة هو نتيجة طبيعية لإحساسهم بالضعف أمام المرأة !
حتى المتحرش .. يفعل مايفعله لكسر المرأة وذلها
صحيح بيكسرها.. بس لأنه ضعيف مش هى اللى ضعيفة !
على النساء جميعا التوقف عن محاربة ضعف ليس فيهن أصلا .. وإثبات قوة الكل يعلم إنها فيهن ولاتحتاج لإثبات !
تعليقات
إرسال تعليق