هاااتولي رااجل (9)
مش عارفة حقيقى أبدأ إزاى؟!
أكتر من مدخل لتلك التدوينة يجول في خاطري ولكن لا أعتقد أن أكثرهم مناسب لها ولا للنتيجة التي أريد أن أصل إليها .
يجوز لأن موضوع التدوينة نفسه لا أعلم له أصل في حياتي !
كل ما حاول أفتكر ألاقي مجرد ومضات بتنوّر في عقلي .. مفيش ليها خط رابط ولا ميعاد محدد .. مجرد ومضات أستطاعت أن تُشكل وعى واحدة زيى !
وعي شارك في تكوينه الستات أو بمعنى أصح أفسد ذلك التكوين !مع شوية أفلام على حبّة كتب على حواديت ونصايح وكلام سمعته لافاكرة امتى ولا من مين !
طيب ندخل في الموضوع بقى كفاية لف ودوران .
هحاول اسرد الومضات اللى في عقلي لعلني أجد فيها رابطا يفيد .
*وأنا عيلة صغيرة "كما سبق أن ذكرت في تدوينة سابقة " مع أول حوار نسائي سمعته في حياتي ووقعه المفزع في نفسي وبرغم محاولات أمي المستنيرة في تخفيفه إلا إننى لم أتخلص من أثره لفترة طويلة .
*مرة سألت وأنا صغيرة هو الراجل ليه ينفع يتجوز أكتر من واحدة في نفس الوقت والست لأ ؟ الرد كان أن الراجل "دِني " لكن الست راجل واحد يكفيها وممكن تستغنى عنه كمان !
وبمقاوحتى كطفلة كملت السؤال طيب ليه الراجل بيتجوز بعد مامراته تموت والست لأ والرد ساعتها ان الراجل مايقدرش يعيش من غير "الحاجات" دى لكن الست مش بتفرق معاها !
وهنا يحضرني مشهد عبلة كامل في فيلم عودة الندلة وهى بتقول " على أد مايبان أن الست مابتفكرش في الحاجات دى لكن بتحتقر الراجل اللى مابيفكرش في الحاجات دى :D"
اللى أكتشفته بقى أن الست بتفكر عادى في الحاجات دى زى الراجل بالظبط ويمكن أكتر !
الراجل بيحكمه غريزة وعاطفة والست بيحكمها غريزة وعاطفة برضه بس معاهم شوية هرمونات كده .
وهنا برضه بفتكر فيلم اللمبي وهوبيصالح خطيبته ويقولها
ما انا شاب يابت وليا مشاعر وأحاسيس .
وماله يا أخويا ما انا برضه ليا مشاعر وأحاسيس
ايه ده هو انتى بتفكري في الحاجات دى ؟! تتكسف وتبتسم
بجد؟! ياااااه وأنا اللى كنت فاكرك مؤدبة ؟!
ايووووه ليه بقى مابقتش مؤدبة ؟! ليه بجد؟! .. عادى على فكرة البنت لما تفكر تبقى مؤدبة برضه مفيش مشكلة دى طبيعة إنسانية ! التصرف هو اللى غلط زى ما التصرف بالنسبة للولد غلط برضه مفهومة دى !
* الست مجرد وعاء، متلقي لما يفعله الرجل !! لالا الموضوع عند الست أعمق بكتييييييييير من الراجل،الموضوع بالنسبة للراجل فعل جسدى بحت ! "طراطيش كلام سمعته"
لا الست مجرد متلقي ولا الفعل بالنسبة للراجل جسدى بحت ولا بالنسبة للست بهذا العمق الكبيير.
*في ثانوى جمعونا كلنا في فصل كبير وقالولنا تعالوا اسمعوا محاضرة مهمة ! ماحدش قالنا المحاضرة دى عن ايه فعلا بس اتجمعنا .. دخل راجل ومعاه مجموعة من المدرسات وكتب على السبورة "الصحة الجنسية"
وطلب مننا نسمع الشرح وبعدين كل واحدة تكتب سؤالها في ورقة وتبعته وهو هيجاوب .
ردود الأفعال تباينت مابين ضحكات مكتومة لطالبات وأخريات طلبوا انهم يخرجوا من الفصل فورا وصولاً لأسئلة تعمدت حرفيا إحراج هذا المحاضر !
لا فهمت وقتها ليه كانوا بيضحكوا ولا البنات خرجت ليه ولا حتى ليه الأسئلة كانت متعمدة تحرج الراجل ولا كأنها بتهينه !
أنا فعلا كنت عايزة اسمع وأفهم .. لكن المحاضرة فشلت وسط مُحاضر ارتبك ومدرسات تشاركن مع البنات في إحراجه !
* الست بتدى الجنس علشان تاخد الحب ، والراجل بيدي الحب علشان ياخد الجنس! "كلام قريته"
للأسف الكلام ده كان من كاتب كبير وكان قاعدة ثابتة جوايا لفترة أكبر .. الكلام ده بتنجان .. بتنجان فعلا يعنى .
*في فيلم "سهر الليالي" علاغانم بتطلب من شريف منير انه يتجوزها هيسألها ليه ما احنا كويسين ؟
طبعا وانت خسران ايه ؟ نتقابل في السرير هو ده المكان الوحيد اللى مش بنختلف فيه ؟ هو ده اللى انت عايزه ؟
لأ مش هو ده اللى أنا عايزه !
شريف منير قال الكلام بإحساس عالى فعلا .. في الغالب ده رد فعل اى راجل سوى طبيعي لما الست تقوله كده .. سيشعر بالألم مع شىء من الأهانة !
*في اولى سنوات جوازي ماكنش عندى ألية للتفاهم انا وجوزى كنا بتخانق على كل حاجة تقريبا وفي احدى المرات صادف وجودنا في بيت اهل جوزي وكان موجود عدد من النساء المخضرمات .. جت واحدة فيهم ومالت عليا معتقدة انها هتدينى نصيحة العمر التي لن أشقى بعدها أبداً " ياخايبة صرفي أمورك " بنظرات وضحكة تنافس باسم يوسف في اقوى عروضه الايحائية ! ودى اكتر لحظة في حياتى كرهت فيها الست دى وكرهت نفسي كست وزوجة وإنسانة من الأساس !.. لكن بعدها بوقت كافي لفهم الأمور تحول الكره ليها لأشفاق فعلي عليها لأنها عاشت حياتها من غير ماتدرك حقيقة الأمر فعلا !
*من فترة قريبة أنتشر فيديو لمخرجة فرنسية قررت تجيب 20 شخص غرباء عن بعض وتصورهم وهم يقبلوا بعض "القبلة الأولى" ! مش بس بين راجل وست لأ كان بين ست وست وراجل وراجل !
بعيدا تماما عن البعد الأخلاقي أو الدينى أو العرف المجتمعي للفيديو والفكرة .
لكن لفت نظرى في الفيديو اللى مدته لا تتعدى دقائق ان كلهم قبّلوا بعض قبلات حارة ماعدا الأتنين الرجالة !
قبلة هادئة تبعها "حضن" وهذا مالم يفعله اى زوج آخر !
وهنا أعتقد آن الأوان أن اقول ما اريد قوله حقا من هذه التدوينة :
أحنا أتربينا غلط وأفكارنا عن بعض غلط .. فكرة الراجل عن الست غلط وفكرة الست عن الراجل مليون غلط !
عادة المرأة في إخفاء ماتشعر به وماتفكر به وصلت فكرة خطأ للراجل .. الست مش بتفرق معاها الحاجات دى ولا بتفكر فيها !
والغريب أن مايكرر هذا الأمر ويؤكده هى الستات نفسها !
كذبت الكذبة وصدقتها !
عادة الرجل في الأفصاح عما يجول في خاطره جعله يظهر كمظهر من لا يرى المرأة سوى جسد فقط !
الفكرة دى للأسف كبرتها وأكدتها الست وربت عليها ولادها
علشان كده معظم الرجالة إن لم يكن كلهم مش بيعرفوا يعبروا حقيقي عن مشاعرهم إلا عن طريق "الحاجات" دى !
الراجل بيحس ويحب ويتألم زى الست ويمكن أكتر
الراجل مش بيعرف يعيش من غير ست مش علشان "الحاجات" دى لأ .. علشان مش بيعرف يعيش من غير الونّس اللى بتعمله الست في حياته !
الست ممكن تعيش من غير راجل في حالة واحدة بس لما يكون عندها عيال .. عيال حبتهم أكتر من نفسها .. أم بقى ودى حالة مالهاش تفسير !الرجل يُجل المرأة ويُحبها .. والمرأة تُقدّر وجود الرجل وتريده
ولكن بئساً لمن أفسدوا علينا أفكارنا وحياتنا .
ملاحظات مهمة عن التدوينة:
* السبب الرئيسي اللى يمنع الست انها تتجوز أكتر من راجل في نفس الوقت هو "أختلاط الأنساب "
*الأستشهاد بالأفلام هى محاولة بليدة لمحاكاة ماتفعله آية عاشور في تدويناتها .. بس مالقيتش طريقة تانية أعبر بيها الحقيقة !
*التعميم مرفوض تماما ولا اقصده بالتأكيد
*لا أدعو بالتدوينة تخلي المرأة عن حيائها وأدبها
* "الحاجات" دى لازم تتم في إطار الجواز .. محاولة الأستشهاد بأفلام هى محاولة للتوضيح مش أكتر محدش يفهمنى غلط :D
*"الزواج علم" كتاب مترجم لكاتب فرنسي وجدته في مكتبة أمي بعد وفاتها بفترة وكانت للصدفة بعد خطوبتي بفترة قصيرة
الكتاب كان مرجعا مهما فعلا ومش عارفة حقيقي من غيره كنت هاعمل ايه ! أنصح بشدة بقرائته .
أكتر من مدخل لتلك التدوينة يجول في خاطري ولكن لا أعتقد أن أكثرهم مناسب لها ولا للنتيجة التي أريد أن أصل إليها .
يجوز لأن موضوع التدوينة نفسه لا أعلم له أصل في حياتي !
كل ما حاول أفتكر ألاقي مجرد ومضات بتنوّر في عقلي .. مفيش ليها خط رابط ولا ميعاد محدد .. مجرد ومضات أستطاعت أن تُشكل وعى واحدة زيى !
وعي شارك في تكوينه الستات أو بمعنى أصح أفسد ذلك التكوين !مع شوية أفلام على حبّة كتب على حواديت ونصايح وكلام سمعته لافاكرة امتى ولا من مين !
طيب ندخل في الموضوع بقى كفاية لف ودوران .
هحاول اسرد الومضات اللى في عقلي لعلني أجد فيها رابطا يفيد .
*وأنا عيلة صغيرة "كما سبق أن ذكرت في تدوينة سابقة " مع أول حوار نسائي سمعته في حياتي ووقعه المفزع في نفسي وبرغم محاولات أمي المستنيرة في تخفيفه إلا إننى لم أتخلص من أثره لفترة طويلة .
*مرة سألت وأنا صغيرة هو الراجل ليه ينفع يتجوز أكتر من واحدة في نفس الوقت والست لأ ؟ الرد كان أن الراجل "دِني " لكن الست راجل واحد يكفيها وممكن تستغنى عنه كمان !
وبمقاوحتى كطفلة كملت السؤال طيب ليه الراجل بيتجوز بعد مامراته تموت والست لأ والرد ساعتها ان الراجل مايقدرش يعيش من غير "الحاجات" دى لكن الست مش بتفرق معاها !
وهنا يحضرني مشهد عبلة كامل في فيلم عودة الندلة وهى بتقول " على أد مايبان أن الست مابتفكرش في الحاجات دى لكن بتحتقر الراجل اللى مابيفكرش في الحاجات دى :D"
اللى أكتشفته بقى أن الست بتفكر عادى في الحاجات دى زى الراجل بالظبط ويمكن أكتر !
الراجل بيحكمه غريزة وعاطفة والست بيحكمها غريزة وعاطفة برضه بس معاهم شوية هرمونات كده .
وهنا برضه بفتكر فيلم اللمبي وهوبيصالح خطيبته ويقولها
ما انا شاب يابت وليا مشاعر وأحاسيس .
وماله يا أخويا ما انا برضه ليا مشاعر وأحاسيس
ايه ده هو انتى بتفكري في الحاجات دى ؟! تتكسف وتبتسم
بجد؟! ياااااه وأنا اللى كنت فاكرك مؤدبة ؟!
ايووووه ليه بقى مابقتش مؤدبة ؟! ليه بجد؟! .. عادى على فكرة البنت لما تفكر تبقى مؤدبة برضه مفيش مشكلة دى طبيعة إنسانية ! التصرف هو اللى غلط زى ما التصرف بالنسبة للولد غلط برضه مفهومة دى !
* الست مجرد وعاء، متلقي لما يفعله الرجل !! لالا الموضوع عند الست أعمق بكتييييييييير من الراجل،الموضوع بالنسبة للراجل فعل جسدى بحت ! "طراطيش كلام سمعته"
لا الست مجرد متلقي ولا الفعل بالنسبة للراجل جسدى بحت ولا بالنسبة للست بهذا العمق الكبيير.
*في ثانوى جمعونا كلنا في فصل كبير وقالولنا تعالوا اسمعوا محاضرة مهمة ! ماحدش قالنا المحاضرة دى عن ايه فعلا بس اتجمعنا .. دخل راجل ومعاه مجموعة من المدرسات وكتب على السبورة "الصحة الجنسية"
وطلب مننا نسمع الشرح وبعدين كل واحدة تكتب سؤالها في ورقة وتبعته وهو هيجاوب .
ردود الأفعال تباينت مابين ضحكات مكتومة لطالبات وأخريات طلبوا انهم يخرجوا من الفصل فورا وصولاً لأسئلة تعمدت حرفيا إحراج هذا المحاضر !
لا فهمت وقتها ليه كانوا بيضحكوا ولا البنات خرجت ليه ولا حتى ليه الأسئلة كانت متعمدة تحرج الراجل ولا كأنها بتهينه !
أنا فعلا كنت عايزة اسمع وأفهم .. لكن المحاضرة فشلت وسط مُحاضر ارتبك ومدرسات تشاركن مع البنات في إحراجه !
* الست بتدى الجنس علشان تاخد الحب ، والراجل بيدي الحب علشان ياخد الجنس! "كلام قريته"
للأسف الكلام ده كان من كاتب كبير وكان قاعدة ثابتة جوايا لفترة أكبر .. الكلام ده بتنجان .. بتنجان فعلا يعنى .
*في فيلم "سهر الليالي" علاغانم بتطلب من شريف منير انه يتجوزها هيسألها ليه ما احنا كويسين ؟
طبعا وانت خسران ايه ؟ نتقابل في السرير هو ده المكان الوحيد اللى مش بنختلف فيه ؟ هو ده اللى انت عايزه ؟
لأ مش هو ده اللى أنا عايزه !
شريف منير قال الكلام بإحساس عالى فعلا .. في الغالب ده رد فعل اى راجل سوى طبيعي لما الست تقوله كده .. سيشعر بالألم مع شىء من الأهانة !
*في اولى سنوات جوازي ماكنش عندى ألية للتفاهم انا وجوزى كنا بتخانق على كل حاجة تقريبا وفي احدى المرات صادف وجودنا في بيت اهل جوزي وكان موجود عدد من النساء المخضرمات .. جت واحدة فيهم ومالت عليا معتقدة انها هتدينى نصيحة العمر التي لن أشقى بعدها أبداً " ياخايبة صرفي أمورك " بنظرات وضحكة تنافس باسم يوسف في اقوى عروضه الايحائية ! ودى اكتر لحظة في حياتى كرهت فيها الست دى وكرهت نفسي كست وزوجة وإنسانة من الأساس !.. لكن بعدها بوقت كافي لفهم الأمور تحول الكره ليها لأشفاق فعلي عليها لأنها عاشت حياتها من غير ماتدرك حقيقة الأمر فعلا !
*من فترة قريبة أنتشر فيديو لمخرجة فرنسية قررت تجيب 20 شخص غرباء عن بعض وتصورهم وهم يقبلوا بعض "القبلة الأولى" ! مش بس بين راجل وست لأ كان بين ست وست وراجل وراجل !
بعيدا تماما عن البعد الأخلاقي أو الدينى أو العرف المجتمعي للفيديو والفكرة .
لكن لفت نظرى في الفيديو اللى مدته لا تتعدى دقائق ان كلهم قبّلوا بعض قبلات حارة ماعدا الأتنين الرجالة !
قبلة هادئة تبعها "حضن" وهذا مالم يفعله اى زوج آخر !
وهنا أعتقد آن الأوان أن اقول ما اريد قوله حقا من هذه التدوينة :
أحنا أتربينا غلط وأفكارنا عن بعض غلط .. فكرة الراجل عن الست غلط وفكرة الست عن الراجل مليون غلط !
عادة المرأة في إخفاء ماتشعر به وماتفكر به وصلت فكرة خطأ للراجل .. الست مش بتفرق معاها الحاجات دى ولا بتفكر فيها !
والغريب أن مايكرر هذا الأمر ويؤكده هى الستات نفسها !
كذبت الكذبة وصدقتها !
عادة الرجل في الأفصاح عما يجول في خاطره جعله يظهر كمظهر من لا يرى المرأة سوى جسد فقط !
الفكرة دى للأسف كبرتها وأكدتها الست وربت عليها ولادها
علشان كده معظم الرجالة إن لم يكن كلهم مش بيعرفوا يعبروا حقيقي عن مشاعرهم إلا عن طريق "الحاجات" دى !
الراجل بيحس ويحب ويتألم زى الست ويمكن أكتر
الراجل مش بيعرف يعيش من غير ست مش علشان "الحاجات" دى لأ .. علشان مش بيعرف يعيش من غير الونّس اللى بتعمله الست في حياته !
الست ممكن تعيش من غير راجل في حالة واحدة بس لما يكون عندها عيال .. عيال حبتهم أكتر من نفسها .. أم بقى ودى حالة مالهاش تفسير !الرجل يُجل المرأة ويُحبها .. والمرأة تُقدّر وجود الرجل وتريده
ولكن بئساً لمن أفسدوا علينا أفكارنا وحياتنا .
ملاحظات مهمة عن التدوينة:
* السبب الرئيسي اللى يمنع الست انها تتجوز أكتر من راجل في نفس الوقت هو "أختلاط الأنساب "
*الأستشهاد بالأفلام هى محاولة بليدة لمحاكاة ماتفعله آية عاشور في تدويناتها .. بس مالقيتش طريقة تانية أعبر بيها الحقيقة !
*التعميم مرفوض تماما ولا اقصده بالتأكيد
*لا أدعو بالتدوينة تخلي المرأة عن حيائها وأدبها
* "الحاجات" دى لازم تتم في إطار الجواز .. محاولة الأستشهاد بأفلام هى محاولة للتوضيح مش أكتر محدش يفهمنى غلط :D
*"الزواج علم" كتاب مترجم لكاتب فرنسي وجدته في مكتبة أمي بعد وفاتها بفترة وكانت للصدفة بعد خطوبتي بفترة قصيرة
الكتاب كان مرجعا مهما فعلا ومش عارفة حقيقي من غيره كنت هاعمل ايه ! أنصح بشدة بقرائته .
تعليقات
إرسال تعليق