ليتوقف الزمن ..
وتوّقف الزمن علشان تسأل نفسك:
ياترى الأمر يستحق؟ يستحق كل اللى مريت بيه وشفته؟ كل اللى عانيته واتألمت علشانه؟ الأجابة هتحدد مدى سعادتك..
لو اترددت .. تقلق، لو فكرت كتير .. تخاف
لو جاوبت وقلت "لأ" يبقى حكمت على نفسك بالتعاسة الأبدية !
الأجابة لازم تبقى "ايوه" .. ايوه بكل ثقة، ايوه بقلب جامد ومن غير ذرة تردد.... ايوه كان يستحق !
يستحق كل خناقة، ضيق، ألم وحزن.
يستحق علشان لحظات سعادته متتوصفش.
يستحق علشان لحظات راحته بتدواي أى تعب .
الجواز صعب ؟ طبعاً صعب !
لكن عمرك ماهتعرف معنى الصعوبة إلا لما تبقى جواه ومطحون في دايرته .
في الجواز لازم تختار كويس.. لازم تفكر كويس
الجواز ده نصيب وانت مش عارف نصيبك ايه؟!
في الجواز الأحترام أساس العلاقة بين الراجل والست
في الجواز ياما بيحصل ولازم نعدي لبعض !
في الجواز لازم تخطط كويس وتحسبها كويس
في الجواز لازم نفهم ونقدّر بعض
الجواز شركة .. الجواز ده بهدلة!
الجواز مالهوش منطق أصلا ً!
الحُــب؟؟
مين قال؟ ياما ناس حبت واتجوزت وفشلت، وناس ماحبتش واتجوزت ونجحت وكملت!
المستوى الثقافي والأجتماعي ؟؟
مش شرط .. لا الفلوس ولا العلم بتخلي الكويس وحش ولا الوحش حلو !
الأهتمامات المشتركة ؟؟
قالك المتجوزين لازم يكملوا بعض .. يعنى لو شبه بعض الدنيا هتبوظ .. هيتعبوا لأن في حاجات كتير هتبقى ناقصة !
لازم حد يكمل التاني .
العجيب انه مهما أختارنا صح وفكرنا صح وحبينا صح واتجوزنا صح هنمرّ برضه بنفس المشاكل ونفس الخناقات بنفس الوجع والتعب وكأن مفيش فايدة !
تقرأ في كتب وتتعلم من خبرات اللى حواليك وتسمع حكايات وتاخد قرارات وعند أول خناقة .. هتغلط نفس الغلطات !
هنسيب عقلنا على جنب ونمشي ورا عواطفنا ومشاعرنا
ليه؟؟
علشان الجواز مالهوش منطق
العلاقة بين الراجل والست حقيقي مالهاش منطق واضح يحكمها
كل اتنين ليهم حكايتهم.. ليهم قانونهم اللى بيلتزموا بيه من غير مايكتبوه ولا يعلنوه
قانون مسئول عن أن العلاقة دى لازم تستمر
مينفعش تتعب ولا تقف ولا تزهق.. لأنك أول ماهتتعب وتقف وتسأل نفسك ياترى الأمر كان يستحق؟! الأجابة ساعتها مهما كانت مش هترضيك !
لأن مجرد أنك سألت السؤال ده لنفسك يبقى في حاجة غلط
حاجة وقفتك علشان تدوّر على إجابة .. إجابة تخليك عارف .. تكمّل !
وعلشان ميجيش الوقت اللى تسأل نفسك فيه السؤال ده .. لازم تختار الأنسان اللى يريّحك .
اللى يقدر يستوعبك ويفهمك، يعرف عيوبك قبل مميزاتك، يقبلك زى ماأنت، تكون معاه على طبيعتك.
والأهم ..الأنسان اللى يقدر يسعدك
أول ماتلاقي راجل بيعرف يضحكك "يضحكك من قلبك" اتجوزيه من غير تفكير
أول ماتلاقي الست اللى بتهوّن عليك هَمَك "وبتسيبك تخرج من أصحابك براحتك" امسك فيها
أبعد عن اللى هيبقى حِمل عليك
حِمل فوق كتافك يبطّأ حركتك ويسحبك لورا
أرتبط علشان حياتك تبقى سهلة مش علشان تحملها عبء جديد
علشان تبقى سعيد لازم تبقى مرتاح
دوّر على الراحة "راحة القلب والعقل" ساعتها بس
هتعرف أنك اخترت صح وساعتها برضه .. هتلاقي السعادة تحت رجلك .
ياترى الأمر يستحق؟ يستحق كل اللى مريت بيه وشفته؟ كل اللى عانيته واتألمت علشانه؟ الأجابة هتحدد مدى سعادتك..
لو اترددت .. تقلق، لو فكرت كتير .. تخاف
لو جاوبت وقلت "لأ" يبقى حكمت على نفسك بالتعاسة الأبدية !
الأجابة لازم تبقى "ايوه" .. ايوه بكل ثقة، ايوه بقلب جامد ومن غير ذرة تردد.... ايوه كان يستحق !
يستحق كل خناقة، ضيق، ألم وحزن.
يستحق علشان لحظات سعادته متتوصفش.
يستحق علشان لحظات راحته بتدواي أى تعب .
الجواز صعب ؟ طبعاً صعب !
لكن عمرك ماهتعرف معنى الصعوبة إلا لما تبقى جواه ومطحون في دايرته .
في الجواز لازم تختار كويس.. لازم تفكر كويس
الجواز ده نصيب وانت مش عارف نصيبك ايه؟!
في الجواز الأحترام أساس العلاقة بين الراجل والست
في الجواز ياما بيحصل ولازم نعدي لبعض !
في الجواز لازم تخطط كويس وتحسبها كويس
في الجواز لازم نفهم ونقدّر بعض
الجواز شركة .. الجواز ده بهدلة!
الجواز مالهوش منطق أصلا ً!
الحُــب؟؟
مين قال؟ ياما ناس حبت واتجوزت وفشلت، وناس ماحبتش واتجوزت ونجحت وكملت!
المستوى الثقافي والأجتماعي ؟؟
مش شرط .. لا الفلوس ولا العلم بتخلي الكويس وحش ولا الوحش حلو !
الأهتمامات المشتركة ؟؟
قالك المتجوزين لازم يكملوا بعض .. يعنى لو شبه بعض الدنيا هتبوظ .. هيتعبوا لأن في حاجات كتير هتبقى ناقصة !
لازم حد يكمل التاني .
العجيب انه مهما أختارنا صح وفكرنا صح وحبينا صح واتجوزنا صح هنمرّ برضه بنفس المشاكل ونفس الخناقات بنفس الوجع والتعب وكأن مفيش فايدة !
تقرأ في كتب وتتعلم من خبرات اللى حواليك وتسمع حكايات وتاخد قرارات وعند أول خناقة .. هتغلط نفس الغلطات !
هنسيب عقلنا على جنب ونمشي ورا عواطفنا ومشاعرنا
ليه؟؟
علشان الجواز مالهوش منطق
العلاقة بين الراجل والست حقيقي مالهاش منطق واضح يحكمها
كل اتنين ليهم حكايتهم.. ليهم قانونهم اللى بيلتزموا بيه من غير مايكتبوه ولا يعلنوه
قانون مسئول عن أن العلاقة دى لازم تستمر
مينفعش تتعب ولا تقف ولا تزهق.. لأنك أول ماهتتعب وتقف وتسأل نفسك ياترى الأمر كان يستحق؟! الأجابة ساعتها مهما كانت مش هترضيك !
لأن مجرد أنك سألت السؤال ده لنفسك يبقى في حاجة غلط
حاجة وقفتك علشان تدوّر على إجابة .. إجابة تخليك عارف .. تكمّل !
وعلشان ميجيش الوقت اللى تسأل نفسك فيه السؤال ده .. لازم تختار الأنسان اللى يريّحك .
اللى يقدر يستوعبك ويفهمك، يعرف عيوبك قبل مميزاتك، يقبلك زى ماأنت، تكون معاه على طبيعتك.
والأهم ..الأنسان اللى يقدر يسعدك
أول ماتلاقي راجل بيعرف يضحكك "يضحكك من قلبك" اتجوزيه من غير تفكير
أول ماتلاقي الست اللى بتهوّن عليك هَمَك "وبتسيبك تخرج من أصحابك براحتك" امسك فيها
أبعد عن اللى هيبقى حِمل عليك
حِمل فوق كتافك يبطّأ حركتك ويسحبك لورا
أرتبط علشان حياتك تبقى سهلة مش علشان تحملها عبء جديد
علشان تبقى سعيد لازم تبقى مرتاح
دوّر على الراحة "راحة القلب والعقل" ساعتها بس
هتعرف أنك اخترت صح وساعتها برضه .. هتلاقي السعادة تحت رجلك .
تعليقات
إرسال تعليق