عن الزواج مرة أخرى !
لايمكن أنسى حكاية بابا حكاها ليا زمان ..
كان لسه صغير وحضر قعدة كبيرة في الصعيد .. كبير القعدة وهو بيتكلم شوية وجت مراته راحت معليّة صوتها عليه قدام باقي الرجالة !
الراجل طبعا مسكتش .. قام أداها العلقة التمام قدام الخلق كلها !
بابا بالصدفة حضر الراجل وهو بيصالحها طبعا بينه وبينها قالها بالحرف الواحد :" قدام الناس تحترميني وبينى بينك لو عايزة تديني بالجزمة أنا موافق " !
الست بصراحة معملتش كده .. بس في حكاية متداولة إنها ضربته مرة بحديدة على دماغه أصابت عقله بلوثة حتى الممات !
وطبعا محدش يقدر يثبت لأنها عملت كده بينها وبينه !
طول عمرى بفكر في الحكاية دى وبسأل نفسي " الناس دى بتفضل عايشة مع بعض إزاى ؟ بتعرف تكمل إزاى طيب ؟
كل مرة كنت بسمع ست بتشكي من جوزها أو راجل بيشكي من مراته والحيرة تبقى هتنط من عيني " طيب انتو عايشين مع بعض ليه ؟ ماكل واحد يروح لحاله ويعيش بكرامته بعيد عن التاني !
بس السؤال عمره ماطلع على لساني !
علشان نبقى واضحين .. المسميات بتتغير معناها جوه الجواز
يعنى الكرامة والأحترام وغيرها بتبقى ليها معايير تانية وإعتبارات مختلفة ..
حتى الخيانة .. ايوه حتى الخيانة
معروفة أن الست ممكن تقبل ان جوزها يخونها وتكمل عادى
لكن الجديد كمان أن ممكن الراجل يعرف إن مراته خانته ويكمل معاها عادى .
ليه اتنين مش بيبطلوا خناق يفضلوا مكملين ؟
ليه بنشوف اتنين مش لايقين على بعض خالص ونلاقيهم مبسوطين ؟
ليه الست بعد سنيين طويلة تقول لجوزها يااخويا؟
ليه ست بتضّرب من جوزها وتفضل مكملة ؟
ليه راجل يبقى عايش مع ست منكدة عليه عيشته ومش راضي يسيبها ؟
الحجة اللى بتسمعها من الزوجين .. علشان العيال
ده مش حقيقي خالص .. السبب الحقيقي هو "المعرفة "
إنك عارف التاني، حافظه عارف هو عمل كده ليه ؟
الست بتشكي من جوزها وهى عارفة ومتأكدة سواء بوعيها أو من غير ماتوعى إنها سبب من الأسباب والراجل كذلك بطبيعة الحال !
"المعرفة" بتيجي بعد سنيين من الجواز
علشان كده حالات الطلاق الأكبر بتبقى في أول الجواز .. الخناق بيبقى أكتر .. مش علشان مفيش تفاهم ..لأ علشان مفيش معرفة .
"المعرفة" بإختصار .. يعنى تبقى عارف عيوب اللى معاك أكتر من مميزاته، عارف نقاط ضعفه، ايه اللى بيبسطه ، هى اللى بيضايقه، شايفه بيتغير قدامك،بيكبر، بيعجز، شايفه وهو مهموم وهو فرحان
لو قاعدين مع ناس بتبقى فاهم هو إمتى بيكذب، إمتى إتضايق من القعدة ، فاهم هو يقصد ايه من كل حركة ونظرة وتنهيدة ..
ودى أكبر ميزة في الجواز .. وأخطر عيب على الأطلاق !
في لحظات الوفاق بتبقى مرتاح إن في حد فاهمك مش محتاج تشرح .
أما في لحظات الخناق بتبقى المعرفة خناجر بتطعن فيك ليل ونهار .
وده السبب في أن أكتر ناس بتخبي وتكدب على بعض هما المتجوزين .. آه والله
الستات بتقول علشان مايمسكهاش عليا ذلة بعد كده
والراجل بيقول علشان مش ناقص نكد
والأتنين لهما الحق كاملا فيما يقولون .
بس السبب الرئيسي من وجهة نظري "الخوف"
الخوف من نظرة تتغير أو مشاعر تتلغبط أو قلب يقسى
الخوف انك تخسر لحظات وفاق بتبقى عزيزة في أى جواز
لحظات هدوء مش بتتكرر كتير
الخوف من أنك تتألم بعد كده ..
أهم لحظات المعرفة .. هى لحظات الخناق .. الأنفعال
النرفزة والغضب .. علشان كده بيقولوا ان الخناق مهم في الجواز
بتعرف فيه تقول حقيقي اللى جواك .. ساعات كلام بيجرح
ويأذى .. ممكن يدمر حاجة بين الزوجين أساسا .. بس بيبني حاجة تانية .. وبنتحجج دايما إننا قلنا كده في لحظة غضب وبنعتذر وبتعدى ..بس بتبقى الرسالة وصلت والطرف التاني فهمها .
في حوار دايما بيدور بين أى زوجين من غير كلام .. كلام بيبقى طاير في الهوا كده من كتر ماهو شاغل دماغ كل واحد .. بس عمره مابيتقال وممكن الحياة تخلص بينهم من غير مايتقال !
كلام بيبقى كل واحد عارفه وفاهم التاني بس برضه مش بيتقال .
"المعرفة" هى اللى بتخلي الحياة سهلة أوقات وأصعب مايمكن أوقات تانية كتير .
في لحظة معينة في الجواز بيكتشف كل واحد أنه في حالة قرب من الطرف التاني مش هينفع تتكرر مع حد تانى مهما حاولت
علشان كده الست بعد عمر جواز كبييير بتقول لجوزها يا اخويا
لان الجواز بمفهموه السطحي بيبقى انتهى ..
على رأى شريف منير " انتو فاكرين الجواز أحضان وبوس بس ولا ايه؟ " :D
"المعرفة"يعنى تبقى الست عارفة أن الراجل بيكذب عليها وتسمع منه وتعمل نفسها مصدقة .. يعنى الراجل يبقى عارف ان الست فيها حاجة متغيّرة بس عمره ماهيسألها ..
"المعرفة" دى هى الى بتخلي الراجل والست يتخانقوا على حاجة تانية خالص غير الحاجة اللى مضيقاهم خالص ..
ويبقوا الأتنين عارفين كده وبرضه يتخانقوا على الموضوع الغلط .
الكلام هو اللى بينمي المعرفة ويكبرها .. وهما وحظهم بقى يايبقى ده في صالحهم أو لأ !
"المعرفة" بتيجي بعد سنيين طويلة من الجواز .. يعنى كل واحد ياخد فرصته في اول 10 سنيين علشان يعرف شريك حياته
الحقيقة في الجواز بتبقى واضحة زى الشمس .. بس هى الشمس حد يقدر يلسمها ؟ .. يتحرق
بعد سنين .. الراجل بيبقى هو الضهر والسند .. والست بتبقى الحضن والكتف اللى بيشيل الهموم ..
بعد سنيين .. بتتعود ومتقدرش تستغني
بعد سنيين .. بتحب الونس والدفا
بعد سنيين .. بتقدّر اللى فات وتعرف انه مش هيتكرر مع حد تانى أبدا .. مهما كان اللى فات ده حلو ولا وحش ..
بعد سنيين بتعرف .. بتعرف يعنى ايه جواز ..
كان لسه صغير وحضر قعدة كبيرة في الصعيد .. كبير القعدة وهو بيتكلم شوية وجت مراته راحت معليّة صوتها عليه قدام باقي الرجالة !
الراجل طبعا مسكتش .. قام أداها العلقة التمام قدام الخلق كلها !
بابا بالصدفة حضر الراجل وهو بيصالحها طبعا بينه وبينها قالها بالحرف الواحد :" قدام الناس تحترميني وبينى بينك لو عايزة تديني بالجزمة أنا موافق " !
الست بصراحة معملتش كده .. بس في حكاية متداولة إنها ضربته مرة بحديدة على دماغه أصابت عقله بلوثة حتى الممات !
وطبعا محدش يقدر يثبت لأنها عملت كده بينها وبينه !
طول عمرى بفكر في الحكاية دى وبسأل نفسي " الناس دى بتفضل عايشة مع بعض إزاى ؟ بتعرف تكمل إزاى طيب ؟
كل مرة كنت بسمع ست بتشكي من جوزها أو راجل بيشكي من مراته والحيرة تبقى هتنط من عيني " طيب انتو عايشين مع بعض ليه ؟ ماكل واحد يروح لحاله ويعيش بكرامته بعيد عن التاني !
بس السؤال عمره ماطلع على لساني !
علشان نبقى واضحين .. المسميات بتتغير معناها جوه الجواز
يعنى الكرامة والأحترام وغيرها بتبقى ليها معايير تانية وإعتبارات مختلفة ..
حتى الخيانة .. ايوه حتى الخيانة
معروفة أن الست ممكن تقبل ان جوزها يخونها وتكمل عادى
لكن الجديد كمان أن ممكن الراجل يعرف إن مراته خانته ويكمل معاها عادى .
ليه اتنين مش بيبطلوا خناق يفضلوا مكملين ؟
ليه بنشوف اتنين مش لايقين على بعض خالص ونلاقيهم مبسوطين ؟
ليه الست بعد سنيين طويلة تقول لجوزها يااخويا؟
ليه ست بتضّرب من جوزها وتفضل مكملة ؟
ليه راجل يبقى عايش مع ست منكدة عليه عيشته ومش راضي يسيبها ؟
الحجة اللى بتسمعها من الزوجين .. علشان العيال
ده مش حقيقي خالص .. السبب الحقيقي هو "المعرفة "
إنك عارف التاني، حافظه عارف هو عمل كده ليه ؟
الست بتشكي من جوزها وهى عارفة ومتأكدة سواء بوعيها أو من غير ماتوعى إنها سبب من الأسباب والراجل كذلك بطبيعة الحال !
"المعرفة" بتيجي بعد سنيين من الجواز
علشان كده حالات الطلاق الأكبر بتبقى في أول الجواز .. الخناق بيبقى أكتر .. مش علشان مفيش تفاهم ..لأ علشان مفيش معرفة .
"المعرفة" بإختصار .. يعنى تبقى عارف عيوب اللى معاك أكتر من مميزاته، عارف نقاط ضعفه، ايه اللى بيبسطه ، هى اللى بيضايقه، شايفه بيتغير قدامك،بيكبر، بيعجز، شايفه وهو مهموم وهو فرحان
لو قاعدين مع ناس بتبقى فاهم هو إمتى بيكذب، إمتى إتضايق من القعدة ، فاهم هو يقصد ايه من كل حركة ونظرة وتنهيدة ..
ودى أكبر ميزة في الجواز .. وأخطر عيب على الأطلاق !
في لحظات الوفاق بتبقى مرتاح إن في حد فاهمك مش محتاج تشرح .
أما في لحظات الخناق بتبقى المعرفة خناجر بتطعن فيك ليل ونهار .
وده السبب في أن أكتر ناس بتخبي وتكدب على بعض هما المتجوزين .. آه والله
الستات بتقول علشان مايمسكهاش عليا ذلة بعد كده
والراجل بيقول علشان مش ناقص نكد
والأتنين لهما الحق كاملا فيما يقولون .
بس السبب الرئيسي من وجهة نظري "الخوف"
الخوف من نظرة تتغير أو مشاعر تتلغبط أو قلب يقسى
الخوف انك تخسر لحظات وفاق بتبقى عزيزة في أى جواز
لحظات هدوء مش بتتكرر كتير
الخوف من أنك تتألم بعد كده ..
أهم لحظات المعرفة .. هى لحظات الخناق .. الأنفعال
النرفزة والغضب .. علشان كده بيقولوا ان الخناق مهم في الجواز
بتعرف فيه تقول حقيقي اللى جواك .. ساعات كلام بيجرح
ويأذى .. ممكن يدمر حاجة بين الزوجين أساسا .. بس بيبني حاجة تانية .. وبنتحجج دايما إننا قلنا كده في لحظة غضب وبنعتذر وبتعدى ..بس بتبقى الرسالة وصلت والطرف التاني فهمها .
في حوار دايما بيدور بين أى زوجين من غير كلام .. كلام بيبقى طاير في الهوا كده من كتر ماهو شاغل دماغ كل واحد .. بس عمره مابيتقال وممكن الحياة تخلص بينهم من غير مايتقال !
كلام بيبقى كل واحد عارفه وفاهم التاني بس برضه مش بيتقال .
"المعرفة" هى اللى بتخلي الحياة سهلة أوقات وأصعب مايمكن أوقات تانية كتير .
في لحظة معينة في الجواز بيكتشف كل واحد أنه في حالة قرب من الطرف التاني مش هينفع تتكرر مع حد تانى مهما حاولت
علشان كده الست بعد عمر جواز كبييير بتقول لجوزها يا اخويا
لان الجواز بمفهموه السطحي بيبقى انتهى ..
على رأى شريف منير " انتو فاكرين الجواز أحضان وبوس بس ولا ايه؟ " :D
"المعرفة"يعنى تبقى الست عارفة أن الراجل بيكذب عليها وتسمع منه وتعمل نفسها مصدقة .. يعنى الراجل يبقى عارف ان الست فيها حاجة متغيّرة بس عمره ماهيسألها ..
"المعرفة" دى هى الى بتخلي الراجل والست يتخانقوا على حاجة تانية خالص غير الحاجة اللى مضيقاهم خالص ..
ويبقوا الأتنين عارفين كده وبرضه يتخانقوا على الموضوع الغلط .
الكلام هو اللى بينمي المعرفة ويكبرها .. وهما وحظهم بقى يايبقى ده في صالحهم أو لأ !
"المعرفة" بتيجي بعد سنيين طويلة من الجواز .. يعنى كل واحد ياخد فرصته في اول 10 سنيين علشان يعرف شريك حياته
الحقيقة في الجواز بتبقى واضحة زى الشمس .. بس هى الشمس حد يقدر يلسمها ؟ .. يتحرق
بعد سنين .. الراجل بيبقى هو الضهر والسند .. والست بتبقى الحضن والكتف اللى بيشيل الهموم ..
بعد سنيين .. بتتعود ومتقدرش تستغني
بعد سنيين .. بتحب الونس والدفا
بعد سنيين .. بتقدّر اللى فات وتعرف انه مش هيتكرر مع حد تانى أبدا .. مهما كان اللى فات ده حلو ولا وحش ..
بعد سنيين بتعرف .. بتعرف يعنى ايه جواز ..
تعليقات
إرسال تعليق